Más tréimhse daingnithe a bhí sa bhliain 2011 is sa bhliain 2012 a thosaigh rudaí ag fás ar bhealaí go leor. Bhí dhá shár-rang iontacha againn sa cheol traidisiúnta le Martin Hayes agus John Carty san earrach agus tháinig ceolchoirmeacha áille ina ndiaidh áit a raibh muid faoi dhraíocht ag an gceardaíocht agus ag an gcumas ceoil ón mbeirt mháistirí.

Faoin samhradh bhí muid i dtegmháil lenár gcuid teagmhálaithe idirnáisiúnta chun cuireadh a thabhairt dóibh teacht agus oibriú linn.
Tháinig Karen McKenzie a bhí mar phríomh-theagascóir ag Colourstrings International go Gaillimh don chéad uair agus tháinig sí roinnt babhtaí eile ó shin.
Tá oidhreacht fágtha ag a cuid oibre dúinn a leanann go dtí an lá atá inniu ann. Bhí deis againn freisin taisteal go Londain an bhliain sin chun tosú ag staidéar leis na three musketeers mar a thug muid orthu… Géza Szilvay, Heidi Vikstein agus Pirrko Simoyoki. D’athraigh an chuairt sin as féin an treo ar roinnt mhaith gairmeacha beatha agus rinne sé ath-mhúnlú ar an bhfís den rud a d’fhéadfadh a bheith ann sa sár-mhúinteoireacht.

Ach do na daoine óga bhí deis againn páirtnéireacht a dhéanamh le Music for Galway agus as sin rinne muid taispeántais sna scoileanna do na daltaí le healaíontóirí ar nós Marianne Thorsen ón Iorua.